Sameer Amunekar
कोरफडीचा गर त्वचेमध्ये खोलवर शोषला जातो. तो त्वचेला तेलकट न करता नैसर्गिकरित्या हायड्रेट ठेवतो, ज्यामुळे खडबडीतपणा कमी होऊन त्वचा मऊ होते.
कोरफडीमध्ये नैसर्गिक सॅलिसिलिक ॲसिड असते, जे त्वचेवरील मृत पेशी (Dead Cells) हळुवारपणे काढून टाकते. यामुळे त्वचा अधिक नितळ आणि तुकतुकीत दिसू लागते.
उन्हामुळे किंवा प्रदूषणामुळे त्वचेची जळजळ होत असेल, तर कोरफडीचा थंड गर लावल्याने त्वरित आराम मिळतो. यात दाहशामक (Anti-inflammatory) गुणधर्म असतात.
कोरफड त्वचेतील लवचिकता (Elasticity) टिकवून ठेवण्यास मदत करते. नियमित वापरामुळे चेहऱ्यावरील बारीक रेषा आणि सुरकुत्या कमी होतात, ज्यामुळे त्वचा चिरतरुण दिसते.
कोरफडीचा गर नियमितपणे लावल्यास चेहऱ्यावरील काळे डाग आणि टॅनिंग (Tanning) हळूहळू कमी होते, ज्यामुळे त्वचेचा रंग एकसमान आणि उजळ होतो.
कोरफडीचे पान कापून त्याचा ताजी गर काढा. हा गर चेहऱ्यावर १०-१५ मिनिटे लावून ठेवा आणि नंतर कोमट पाण्याने चेहरा धुवा. सर्वोत्तम रिझल्टसाठी आठवड्यातून ३-४ वेळा हा प्रयोग करा.
कोरफड नैसर्गिक असली तरी, काहींची त्वचा अत्यंत संवेदनशील असते. त्यामुळे संपूर्ण चेहऱ्यावर लावण्यापूर्वी हाताच्या एका कोपऱ्यावर 'पॅच टेस्ट' करून पहावी.