Manish Jadhav
गोव्याचं विलोभनीय निसर्ग सौंदर्य पर्यटकांच्या मनावर अधिराज्य गाजवतं. गोव्यात येणाऱ्या पर्यटकांना पर्यटनासाठी खूप गोष्टी आहेत.
गोव्यातील जपानीज गार्डन हे येथील सौंदर्य आणि मनमोहक दृश्यांसाठी प्रसिद्ध आहे. वास्को येथील डोंगरमाथ्यावर वसलेले हे गार्डन पर्यटकांना आकर्षित करतं. याठिकाणी स्थनिक तसेच विदेशी पर्यटक आवर्जून भेट देतात.
या जपानीज गार्डनमधून समुद्राचं विहंगमय दृश्य तुम्हाला पाहायला मिळते. तसेच या ठिकाणी सूर्यास्त आणि सूर्योदय दोन्ही पाहायला मिळते.
जपानीज गार्डनमध्ये अनेक स्विंग आणि स्लाईड्स आहेत, त्यामुळे ते मुलांना आकर्षित करतं.
हे जपानीज गार्डन मुरगाव किल्ल्याच्या परिसरात असून वास्कोपासून अवघ्या तीन किलोमीटर अंतरावर आहे.
जपानीज गार्डनला जाण्यासाठी एक रमणीय पायवाट आहे. खाली खोल निळ्या समुद्रात जहाजे आणि रोइंग बोटींचा सुंदर नजारा देखील तुम्ही अनुभवू शकता.
जपानीज गार्डनला जाताना वाटेत एक छोटेसे शिवमंदिरही आहे, याठिकाणी देखील तुम्ही भेट देऊ शकता.