Pranali Kodre
भारत विरुद्ध इंग्लंड संघात 25 जानेवारीपासून 5 सामन्यांची कसोटी मालिका सुरू होणार आहे.
या मालिकेतील पहिल्या दोन सामन्यांमधून भारताचा स्टार फलंदाज विराट कोहलीने माघार घेतली आहे.
बीसीसीआयने दिलेल्या माहितीनुसार विराटने वैयक्तिक कारणाने माघार घेतली आहे.
विराटने माघार घेण्यापूर्वी कर्णधार रोहित शर्मा, संघव्यवस्थापन आणि निवड समीतीशी चर्चा केली असल्याचे, तसेच त्याच्याकडे कोणताही पर्याय नसल्याने त्याने हा निर्णय घेतल्या असल्याचेही बीसीसीआयने स्पष्ट केले आहे.
दरम्यान, बीसीसीआयने ही माहिती देण्याबरोबर मीडिया आणि चाहत्यांना एक विशेष विनंती केली आहे.
बीसीसीआयने विनंती केली आहे की या काळात विराटच्या खाजगी आयुष्याचा आदर केला जावा आणि त्याच्या वैयक्तिक कारणाचे कोणतेही तर्कवितर्क लावले जाऊ नयेत.
विराट आता इंग्लंडविरुद्धच्या तिसऱ्या कसोटी सामन्यापासून उपलब्ध असेल, अशी चाहत्यांना अपेक्षा असेल.