Pranali Kodre
भारतात 5 ऑक्टोबर ते 19 नोव्हेंबर दरम्यान वर्ल्डकप 2023 स्पर्धा पार पडली. या स्पर्धेचा अंतिम सामना अहमदाबादला भारत विरुद्ध ऑस्ट्रेलिया संघात पार पडला.
अंतिम सामन्यात पॅट कमिन्सच्या नेतृत्वातील ऑस्ट्रेलिया संघाने 6 विकेट्सने विजय मिळवत सहाव्यांदा वर्ल्डकपवर नाव कोरले.
यानंतर आता ऑस्ट्रेलियाचे अनेक खेळाडू मायदेशात परतले आहेत.
लक्षात घेण्यासारखी गोष्ट अशी की या वर्ल्डकपनंतर 23 नोव्हेंबर ते 3 डिसेंबर 2023 दरम्यान भारत विरुद्ध ऑस्ट्रेलिया अशी टी20 मालिका होणार आहे.
त्यामुळे वर्ल्डकप 2023 स्पर्धा खेळलेले ऑस्ट्रेलियातील काही खेळाडू ही टी20 मालिकाही खेळताना दिसणार आहेत. त्याचमुळे स्टीव्ह स्मिथ, ट्रेविस हेड, ग्लेन मॅक्सवेल, ऍडम झम्पा असे खेळाडू वर्ल्डकप विजयानंतरही भारतातच आहेत.
मात्र, अन्य सर्व खेळाडू मायदेशी परतले आहेत, यात कर्णधार कमिन्ससह डेव्हिड वॉर्नर, ऍलेक्स कॅरी, मिचेल मार्श, जोश हेजलवूड, मिचेल स्टार्क यांचाही समावेश आहे.
ऑस्ट्रेलियाचे खेळाडू मायदेशी परतल्याचे फोटो आयसीसीने शेअर केले आहेत.