Pranali Kodre
वनडे वर्ल्डकप 2023 स्पर्धेचा अंतिम सामना भारत विरुद्ध ऑस्ट्रेलिया संघात 19 नोव्हेंबर रोजी पार पडला.
अहमदाबादमधील नरेंद्र मोदी स्टेडियमवर झालेल्या अंतिम सामन्यात पॅट कमिन्सच्या नेतृत्वाखालील ऑस्ट्रेलियाने भारताचा 6 विकेट्सने पराभव केला.
ऑस्ट्रेलियाने या विजयासह तब्बल सहाव्यांदा वनडे वर्ल्डकप जिंकला आहे.
ऑस्ट्रेलियाशिवाय अन्य कोणत्याही संघाला 2 पेक्षा जास्तवेळा अद्याप वनडे वर्ल्डकप जिंकता आलेला नाही.
ऑस्ट्रेलियाने वर्ल्डकपमध्ये आठ वेळा अंतिम सामना खेळला असून सहावेळा विजय मिळवण्याचा पराक्रम केला.
ऑस्ट्रेलियाने 1975, 1987, 1996, 1999, 2003, 2007, 2015 आणि 2023 साली वर्ल्डकपचा अंतिम सामना खेळला आहे. यातील 1987, 1999, 2003, 2007, 2015 आणि 2023 साली ऑस्ट्रेलियाने वर्ल्डकप जिंकला आहे.
तसेच पॅट कमिन्स हा वनडे वर्ल्डकप जिंकणारा ऑस्ट्रेलियाचा पाचवा कर्णधार ठरला.
यापूर्वी ऍलन बॉर्डर (1987), स्टीव्ह वॉ (1999), रिकी पाँटिंग (2003 आणि 2007) आणि मायकल क्लार्क (2015) यांच्या नेतृत्वाखाली ऑस्ट्रेलियाने वर्ल्डकप जिंकला आहे.