Manish Jadhav
नवीन वर्ष आनंद घेऊन येते, पण ॲमेझॉनने ग्राहकांसाठी काही औरच केले आहे.
Amazon Prime Video च्या ग्राहकांना नवीन वर्षात (2025) मोठा धक्का बसणार आहे.
कंपनीने एका प्रमुख अपडेटमध्ये स्क्रीनशी संबंधित नवीन निर्बंध जाहीर केले आहेत. ॲमेझॉन व्हिडिओचे सबस्क्रिप्शन घेणारे ग्राहक पुढील वर्षापासून ते पाच टीव्ही स्क्रीनवर प्ले करु शकणार नाहीत. कंपनीने डिव्हाइस लिमीटची संख्या पाच वरुन दोन केली आहे, जी जानेवारी 2025 पासून लागू होईल.
Amazon Prime Video च्या अटी आणि नियम भारतात जानेवारी 2025 पासून लागू होतील.
प्राइम व्हिडिओने नेहमी वापरकर्त्यांना एकाच वेळी अनेक डिवाइसवर स्ट्रीम करण्याची परवानगी दिली आहे, परंतु नवीन नियमानुसार, ही संख्या कमी होईल. तुम्ही एकाधिक टीव्हीवर Amazon प्राइम पाहिल्यास, नवीन नियमांमुळे तुमच्यासाठी समस्या निर्माण होतील, कारण तुम्ही फक्त दोन टीव्ही स्क्रीनवर प्राइम व्हिडिओ पाहू शकाल.
नवीन अपडेट अंतर्गत, जानेवारी 2025 पासून, प्राइम व्हिडिओ वापरकर्ते पाच पर्यंत डिव्हाइस वापरण्यास सक्षम असतील. पण इथे अडचण अशी आहे की एका सबस्क्रिप्शन अंतर्गत, ॲमेझॉन प्राइम एका वेळी फक्त दोन टीव्हीवर चालेल.
Amazon Prime Video च्या सबस्क्रिप्शन किंमतीबद्दल बोलायचे झाल्यास, मासिक सबस्क्रिप्शन 299 रुपयांपासून सुरु होते. याशिवाय, 1,499 रुपयांचे वार्षिक पॅकेज आहे, ज्यामध्ये प्राइम व्हिडिओ, फ्री डिलीवरी आणि Amazon च्या इतर सेवांचा समावेश आहे. नवीन वर्षापासून Amazon प्राइम ग्राहकांना जाहिराती देखील दिसू शकतात.