Akshay Nirmale
विमानातून प्रवास करणाऱ्यांना ज्याप्रमाणे एअरपोर्टवर उत्तम सुविधा मिळतात तशाच सुविधा मडगाव रेल्वेस्थानकावरदेखील प्रवाशांना दिल्या जाणार आहेत.
कोकण रेल्वे महामंडळाकडून त्यासाठी प्रयत्न केले जात आहेत. त्यातून महामंडळाला महसूलही मिळणार आहे.
कोणत्याही गोष्टीसाठी स्थानक परिसर प्रवाशांना सोडावा लागू नये, हे लक्षात घेऊन या सुविधांची उभारणी केली जाणार आहे.
गोव्यातील मडगाव हे कोकण रेल्वे मार्गावरील एक महत्वाचे रेल्वे स्टेशन आहे. या रेल्वे स्थानकाचा सध्या कायापालट केला जात आहे.
प्रवाशांच्या सोयीसाठी येथे एक्झिक्युटिव्ह लाऊंज, सरकारी टॅक्सी काऊंटर, रिलॅक्स झोन, बॅटरी ऑपरेटेड कार सुविधा दिली जात आहे.
आता येथे लेवकरच रेल आर्केड, राहण्यासाठी पॉड किंवा कॅप्सुल अकोमोडेशन आदी सुविधा दिल्या जाणार आहेत. त्यासाठीची निविदाही जारी करण्यात आली आहे.
येथे 9 वर्षासाठी रेल आर्केड उभारले जाणार आहे. रेल्वे स्टेशन परिसरातील 945 चौरस मीटर जागेत विविध आस्थापने असतील. यात खान-पान, गिफ्ट, पुस्तके, मोबाईल उपकरणांचा समावेश असेल.