Manish Jadhav
जर तुम्हाला गर्दीपासून दूर जायचे असेल, तर आगोंदा हा गोव्यातील सर्वात शांत किनाऱ्यांपैकी एक आहे. येथे उत्तर गोव्यासारखा गोंगाट नसून केवळ लाटांचा आवाज ऐकू येतो, जो मनःशांतीसाठी उत्तम आहे.
आगोंदा बीच हा केवळ पर्यटनासाठीच नाही, तर पर्यावरणाच्या दृष्टीनेही महत्त्वाचा आहे. हे ठिकाण 'ऑलिव्ह रिडले' या दुर्मिळ कासवांच्या प्रजननासाठी राखीव असून, येथे कासवांची अंडी संरक्षित केली जातात.
सुमारे 3 किलोमीटर लांबीचा हा किनारा अतिशय स्वच्छ असून येथील पांढरी वाळू पर्यटकांना आकर्षित करते. येथील पाणीही स्फटिकासारखे स्वच्छ असल्याने चालण्यासाठी हा किनारा सर्वोत्तम आहे.
आगोंदा येथील सूर्यास्ताचे दृश्य अत्यंत विलोभनीय असते. समुद्राच्या लाटांवर पडणारे मावळत्या सूर्याचे सोनेरी किरण फोटोग्राफी प्रेमींसाठी एक मोठी पर्वणीच असते.
येथे आलिशान हॉटेल्सऐवजी समुद्रकिनाऱ्यावर बांबूच्या आणि लाकडाच्या सुंदर 'हट्स' (Huts) पाहायला मिळतात. समुद्राच्या अगदी जवळ राहण्याचा अनुभव येथे कमी खर्चात घेता येतो.
आगोंदा बीचवर 'सर्फिंग' शिकण्यासाठी आणि सराव करण्यासाठी चांगले वातावरण असते. याशिवाय तुम्ही येथे बोट रायडिंग करुन 'डॉल्फिन सायटिंग'चा आनंदही घेऊ शकता.
आगोंदाच्या अगदी जवळ 'हनीमून बीच' आणि 'बटरफ्लाय बीच' आहेत, जिथे तुम्ही बोटीने जाऊ शकता. तसेच येथील स्थानिक रेस्टॉरंट्समध्ये मिळणारे गोवन सीफूड जेवण पर्यटकांची पसंती मिळवते.