Manish Jadhav
हिवाळा सुरु होताच बाजारात स्ट्रॉबेरी (Strawberry) दिसू लागतात. दिसायला आकर्षक आणि चवीला आंबट-गोड असणारी ही फळे आरोग्यासाठी खूप फायदेशीर आहेत.
स्ट्रॉबेरीमध्ये व्हिटॅमिन-सी (Vitamin C) मोठ्या प्रमाणात असते. हिवाळ्यात सर्दी, खोकला आणि फ्लूपासून दूर राहण्यासाठी रोगप्रतिकारशक्ती वाढवण्यास व्हिटॅमिन-सी मदत करते.
स्ट्रॉबेरीमध्ये असलेले फ्लेव्होनॉइड्स आणि अँथोसायनिन हे शक्तिशाली अँटिऑक्सिडंट्स हृदयाचे आरोग्य सुधारतात. यामुळे रक्तदाब नियंत्रित राहण्यास मदत होते.
स्ट्रॉबेरीमध्ये फायबरचे प्रमाण चांगले असल्यामुळे पचनक्रिया सुरळीत राहते. यामुळे बद्धकोष्ठतेची (Constipation) समस्या कमी होते आणि आतड्यांचे आरोग्य जपले जाते.
स्ट्रॉबेरीतील व्हिटॅमिन-सी त्वचेसाठी आवश्यक असलेले कोलेजन (Collagen) तयार करण्यास मदत करते. यामुळे त्वचा तरुण आणि तजेलदार राहते, तसेच सुरकुत्या कमी होतात.
या फळांमध्ये असलेले अँटिऑक्सिडंट्स मोतीबिंदू (Cataract) आणि डोळ्यांशी संबंधित इतर समस्यांपासून संरक्षण करण्यासाठी उपयुक्त ठरतात.
स्ट्रॉबेरीमध्ये कॅलरीज (Calories) कमी आणि फायबर जास्त असते. यामुळे पोट भरल्यासारखे वाटते आणि अनावश्यक खाणे टाळले जाते, ज्यामुळे वजन नियंत्रणात ठेवण्यास मदत होते.
स्ट्रॉबेरीचा ग्लायसेमिक इंडेक्स (Glycemic Index) कमी असतो. त्यामुळे रक्तातील साखरेची पातळी (Blood Sugar Level) अचानक वाढू नये यासाठी स्ट्रॉबेरी मदत करते.