Manish Jadhav
हाय फ्रुक्टोज कॉर्न सिरप हे एक कृत्रिम गोड पदार्थ आहे, जे अनेक प्रक्रिया केलेल्या पदार्थांमध्ये वापरले जाते.
हाय फ्रुक्टोज कॉर्न सिरपमध्ये फ्रुक्टोजचे प्रमाण जास्त असते. हे घटक भूक नियंत्रित करणाऱ्या हार्मोन्सवर परिणाम करतात, ज्यामुळे व्यक्ती जास्त खातो आणि परिणामी शरीरात जलद गतीने फॅट जमा होऊन वजन वाढते.
हाय फ्रुक्टोज कॉर्न सिरपमधील फ्रुक्टोजचे चयापचय यकृतामध्ये होते. याच्या अतिसेवनाने यकृतावर अतिरिक्त ताण येतो आणि त्यामुळे फॅटी लिव्हर सारखे गंभीर आजार होऊ शकतात.
HFCS इन्सुलिनच्या संवेदनशीलतेवर नकारात्मक परिणाम करते. यामुळे शरीरातील साखर नियंत्रणात ठेवण्याची क्षमता कमी होते आणि टाईप 2 मधुमेह होण्याचा धोका वाढतो.
या सिरपच्या अतिसेवनाने ट्रायग्लिसराइड्स आणि खराब कोलेस्ट्रॉल (LDL) ची पातळी वाढते, ज्यामुळे हृदयविकाराचा धोका लक्षणीयरीत्या वाढतो.
फ्रुक्टोज थेट ग्लुकोजमध्ये रूपांतरित होत नाही. यामुळे शरीरातील ग्लुकोज आणि इन्सुलिनचे संतुलन बिघडते, जे दीर्घकाळात आरोग्यासाठी हानिकारक ठरते.
अनेक सॉफ्ट ड्रिंक्स, ज्यूस, कँडीज आणि पॅकेज्ड खाद्यपदार्थांमध्ये हे सिरप वापरले जाते, ज्यामुळे नकळतपणे याचा जास्त वापर होतो आणि आरोग्य धोक्यात येते.