Manish Jadhav
रोप लावताना त्याचा जोड (ग्राफ्टिंगचा भाग) मातीच्या वर राहील याची काळजी घ्या. खूप खोल लावल्यास रोप कुजण्याचा किंवा वाढ खुंटण्याचा धोका असतो.
चिकट किंवा एकदम घट्ट मातीत गुलाब चांगला वाढत नाही. माती भुसभुशीत असावी आणि कुंडीला पाण्याचा निचरा होण्यासाठी पुरेसे छिद्र असावे.
नवीन रोप लावल्यावर लगेच रासायनिक खत दिल्यास नाजूक मुळे जळू शकतात. किमान 2 ते 3 आठवड्यांनी रोप मातीत रुळल्यावरच हलके खत द्या.
भर दुपारच्या कडक उन्हात रोप लावू नका किंवा ठेवू नका. सकाळच्या किंवा संध्याकाळच्या थंड वेळी रोप लावा आणि सुरुवातीचे काही दिवस कोवळे ऊन मिळेल अशा जागी ठेवा
नर्सरीतील पिशवी किंवा कुंडी काढताना मातीचा गोळा मोडू देऊ नका आणि मुळे तुटू देऊ नका. मुळांना धक्का बसल्यास रोप शॉकमध्ये जाऊन सुकू शकते.
गुलाबाला भरभरुन फुले येण्यासाठी सूर्यप्रकाश खूप गरजेचा असतो. पूर्ण सावलीत ठेवल्यास रोपाची वाढ कमकुवत होते आणि कळ्या कमी येतात.
नवीन रोप लावल्यावर पहिल्या दिवशी थोडे पाणी द्या, पण रोजच माती चिखल होईल इतके पाणी घालू नका. माती कोरडी वाटल्यावरच पाणी द्या, जेणेकरुन मुळे सडणार नाहीत.