Manish Jadhav
मासिक पाळी दरम्यान महिलांना अनेकदा पोटदुखी, मूड स्विंग्ज, थकवा आणि ऊर्जेची कमतरता जाणवते. या काळात शरीराला अतिरिक्त पोषण आणि हायड्रेशनची गरज असते. योग्य आहाराचे सेवन केल्यास या समस्या कमी होण्यास मदत होते.
मासिक पाळीच्या काळात डिहायड्रेशन होऊ शकते, ज्यामुळे डोकेदुखी वाढते. पुरेसे पाणी पिणे आणि भाज्यांचे किंवा चिकनचे सूप घेणे आवश्यक आहे. यामुळे शरीरातील पाण्याची पातळी योग्य राहते.
मासिक पाळीदरम्यान रक्तस्रावामुळे शरीरातील लोहाची पातळी कमी होते. पालक, मेथी किंवा इतर पालेभाज्यांमध्ये लोह भरपूर प्रमाणात असते. यांचे सेवन केल्यास थकवा आणि ॲनिमियाचा धोका कमी होतो.
केळीमध्ये व्हिटॅमिन बी-6 आणि पोटॅशियम असते, जे मूड स्विंग्ज नियंत्रित करण्यास आणि पोटातील फुगवट्याची समस्या कमी करण्यास मदत करतात. संत्री व्हिटॅमिन-सी आणि पाण्याने समृद्ध असतात.
डार्क चॉकलेटमध्ये लोह आणि मॅग्नेशियम मोठ्या प्रमाणात असते. मॅग्नेशियम स्नायूंना आराम देते आणि क्रॅम्प्स कमी करण्यास मदत करते. तसेच, मूड सुधारण्यासाठीही ते उपयुक्त आहे.
कडधान्ये, डाळी आणि शेंगांमध्ये प्रथिने आणि फायबर मुबलक असते. हे पचनक्रिया सुधारतात आणि पोट भरल्याची भावना देतात, ज्यामुळे अतिरिक्त खाणे टाळले जाते.
आले आणि हळद हे नैसर्गिकरित्या दाह-विरोधी गुणधर्म असलेले पदार्थ आहेत. आल्याचा चहा किंवा हळदीचे दूध प्यायल्याने मासिक पाळीच्या वेदना आणि क्रॅम्प्स कमी होण्यास मदत होते.
दही किंवा ताक यांसारखे प्रोबायोटिक पदार्थ पचनसंस्था निरोगी ठेवतात. मासिक पाळीदरम्यान होणारे पोटाचे त्रास आणि अतिसार कमी करण्यासाठी दही उपयुक्त ठरते.