Pramod Yadav
वास्कोचे ग्रामदैवत श्री दामोदर भजनी सप्ताहाला शनिवार 10 रोजी दुपारी 12:30 वाजता सुरुवात झाली.
श्री दामोदर भजनी सप्ताह उत्सव केंद्रीय समितीचे अध्यक्ष प्रशांत जोशी यांच्या हस्ते श्री दामोदर देवाच्या चरणी श्रीफळ अर्पण केल्यानंतर सप्ताहास सुरुवात झाली.
अशोक मांद्रेकर यांच्या गायनाने २४ तासांचा अखंड भजनी सप्ताहास प्रारंभ झाला. पारसमितीतर्फे श्रीचरणी श्रीफळ अर्पण केले.
संध्याकाळी ६ वाजल्यापासून दिंडीच्या गजरात पार मिरवणुका मंदिराकडे निघाल्या.
प्रत्येक पार समितीतर्फे आयोजित गायन मैफली रंगल्या. नटराज थिएटर, वास्को टुरिस्ट टॅक्सी स्टॅण्ड, मुरगाव पालिके समोर गायन मैफली पार पडल्या.
अरबी समुद्रात श्रीफळ विसर्जन आणि त्यानंतर दामोदर मंदिरात गोपाळकाला होऊन सप्ताहाची सांगता झाली.
श्रीफळ विसर्जन मिरवणुकीत शेकडो भाविक सहभागी झाले होते.