Manish Jadhav
होंडा कार्स इंडियाने आपल्या गाड्यांवर 'ग्रेट इंडिया फेस्ट' अंतर्गत मोठी सूट जाहीर केली आहे. ग्राहकांना या ऑफरमध्ये तब्बल 1.22 लाख रुपयांपर्यंतचा फायदा मिळू शकतो.
होंडा सिटी (City) आणि अमेज (Amaze) या गाड्यांवरही सूट मिळत असली तरी सर्वात जास्त सूट मिड साईज एसयूव्ही होंडा एलिवेट (Elevate) वर दिली जात आहे.
कंपनीकडून एलिवेटवर 1.22 लाख रुपयांपर्यंतचा बंपर डिस्काउंट दिला जात आहे. ही ऑफर फक्त ऑगस्ट महिना संपेपर्यंतच लागू असेल.
होंडा एलिवेट ही भारतीय बाजारात हुंडई क्रेटा, किआ सेल्टोस आणि मारुती ग्रँड विटारा सारख्या गाड्यांना टक्कर देते. मात्र, विक्री कमी असल्याने कंपनीने ही ऑफर आणली आहे.
एलिवेटमध्ये एडीएएस (ADAS) सारखे आधुनिक सुरक्षा फिचर्स आहेत.
एलिवेटमध्ये 1.5 लीटर पेट्रोल इंजिनचा पर्याय उपलब्ध आहे. यामध्ये टर्बो-पेट्रोल, हायब्रिड किंवा डिझेलचा पर्याय नाही. ही गाडी मॅन्युअलमध्ये 15.31 किमी प्रति लीटर आणि ऑटोमॅटिक (CVT) मध्ये 16.92 किमी प्रति लीटरचा मायलेज देते.
जून महिन्यात होंडा एलिवेटच्या मागणीत 56.25 टक्क्यांची मासिक वाढ दिसून आली आहे. यावरुन ही कार ग्राहकांमध्ये हळूहळू लोकप्रिय होत असल्याचे दिसते.
डिस्काउंट ऑफरबद्दल अधिक आणि अचूक माहितीसाठी तुम्ही तुमच्या जवळच्या होंडाच्या अधिकृत डिलरशीपमध्ये (Dealership) संपर्क साधू शकता.