Korgaon Crime: दीड वर्षीय तान्हूल्याच्या अपहरणाचा डाव जमावाने उधळला

सुकाळवाडा-कोरगाव येथून एक धक्कादायक बातमी समोर आली आहे. व्हरांड्यात खेळणाऱ्या दीड वर्षाच्या तान्ह्या बाळाचे अपहरण करणाऱ्या दोघा दुचाकीस्वारांचा डाव स्थानिकांनी उधळून लावला. ही घटना सुकाळवाडा-कोरगाव येथे शुक्रवारी रात्री 8.45 वाजण्याच्या सुमारास घडली. याप्रकरणी एका संशयिताला पोलिसांनी अटक केली असून त्याचा सहाकरी निसटला. वेंगुर्लेकर कुटुंबीय रात्रीच्‍या वेळी घरात होते. लहान मुलगा व्हरांड्यात होता. घरानजीक एका दुचाकीवरून दोघे उतरले. हेल्‍मेट परिधान केलेल्‍या एकाने व्हरांड्यात असलेल्‍या मुलास उचलून पळ काढला. ही गोष्ट लक्षात येताच मुलाची आजी चंद्रिका यांनी आरडाओरडा करत स्थानिकांना बोलावले. त्‍यांनी संशयिताला अडवले, मुलाला ताब्‍यात घेतले व संशयिताला चोप दिला.