Jayant Prabhu Death Case: जयंत प्रभू आत्महत्या प्रकरणी पोलिसांविरोधात गुन्हा, चौकशी होणार

राज्यात मागील काही दिवसांपासून जयंत प्रभू आत्महत्या प्रकरण चांगलंच गाजत आहे. प्रभू यांच्या आत्महत्या प्रकरणी आता पोलिसांविरोधात गुन्हा नोंदवण्यात आला आहे. ॲड. जयंत प्रभू यांना आत्महत्या करण्यास प्रवृत्त केल्याच्या आरोपाखाली महिला पोलिस उपनिरीक्षक अनुष्का परब आणि अन्य पोलिसांवर गुन्हा नोंद करा, असे निर्देश मडगावचे पोलिस उपअधीक्षक संतोष देसाई यांनी मायणा कुडतरी पोलिसांना शुक्रवारी रात्री उशिरा दिले. त्यानुसार मायणा कुडतरी पोलिसांनी अनुष्का परब यांच्यासह चार कॉन्स्टेबलवर गुन्हा नोंदवला आहे.