Goa Today's News Live: कळंगुटमध्ये रस्त्यावर नग्न होऊन राडा करणाऱ्या UP च्या पर्यटकाला अटक

कळंगुटमध्ये रस्त्यावर नग्न होऊन वाहनांची अडवणूक करुन राडा करणाऱ्या उत्तर प्रदेशच्या पर्यटकाला अटक करण्यात आली आहे. गिरजेश बघेल (३१, उत्तर प्रदेश) असे या पर्यटकाचे नाव असून, कळंगुट पोलिसांनी त्याला अटक केलीय.

म्हाऊस पंचायतीच्या कचरा वाहनांचा आमदार डॉ देविया राणे यांच्या हस्ते उद्घाटन. कचरा गोळा करण्याच्या कामाला मिळणार गती. पंचायत मंडळाची उपस्थिती.

गेल्या दोन दिवसांपासून बेपत्ता असणारा राजवीर राजेश मांद्रेकर काणका - पर्रा येथे आढळून आला आहे. याप्रकरणी हणजूण पोलिस अधिक तपास करत आहेत.

शापोरा – हणजूण येथून राजवीर राजेश मांद्रेकर दोन दिवसांपासून बेपत्ता आहे. याप्रकरणी हणजूण पोलिसांत तक्रार दाखल करण्यात आली आहे. कोणाला सापडल्यास 9075188018 या क्रमांकावर संपर्क साधण्याचे आवाहन करण्यात आले आहे.