Agaçaim Crime: दहा वर्षीय मुलीवर लैंगिक अत्याचार; तिघांना अटक, एकाची जामिनावर सुटका

Agaçaim Crime News

पणजी : आगशी येथे दहा वर्षांच्या मुलीवर लैंगिक अत्याचार केल्याची संतापजनक घटना गुरुवारी उघडकीस आली. याप्रकरणी तिघांना अटक करण्यात आली आहे. पणजी महिला पोलिस स्थानकात हे गुन्हे दाखल झाले असून पोलिसांकरवी दोघा संशयितांची न्यायालयीन कोठडीत रवानगी करण्यात आली आहे व एकाला सशर्त जामीन मिळाला आहे, अशी माहिती सूत्राने दिली.

पोलिस सूत्राने दिलेल्या माहितीनुसार २०२१ ते २०२४ या काळात या अल्पवयीन मुलीवर लैंगिक अत्याचार तसेच विनयभंगाचे प्रकार घडले आहेत. पीडित मुलगी ही आगशी येथील झोपडपट्टीत राहते. याप्रकरणी तीन वेगवेगळ्या तक्रारी दाखल झाल्या आहेत.

घरात मुलगी व तिचे दोघे भाऊ राहत होते. तिचे दोघे भाऊ गुन्हेगारप्रवृतीचे आहेत व ती घरी असल्याचा फायदा उठवून तिच्या एका नातेवाइकाने तिच्यावर लैंगिक अत्याचार केला. त्यानंतर याच परिसरातील तिच्या प्रियकराने तिच्यावर अत्याचार केले.