Pranali Kodre
एमएस धोनीची 7 वर्षीय मुलगी झिवाचा लिओनल मेस्सीची जर्सी घातलेला फोटो सध्या व्हायरल होत आहे.
झिवाच्या इंस्टाग्राम अकाउंटवरून हे फोटो शेअर करण्यात आले असून त्यावर 'लाईक फादर, लाईक डॉटर' असे कॅप्शनही देण्यात आले आहे.
कॅप्शनवरून स्पष्ट होते की धोनीप्रमाणेच झिवालाही फुटबॉलटची आवड आहे.
धोनीही फुटबॉलचा मोठा चाहता आहे. अनेकदा तो फुटबॉल खेळतानाही दिसतो.
तो लहानपणी त्याच्या शालेय संघाचा गोलरक्षकही होता.
झिवाच्या फोटोंमध्ये दिसते की तिने परिधान केलेल्या मेस्सीच्या जर्सीवर त्याची स्वाक्षरी आणि 'Para Ziva' म्हणजेच झिवासाठी असे लिहिलेले आहे.
मेस्सी जगभरातील लोकप्रिय खेळाडूंपैकी एक असून त्याच्या नेतृत्वाखाली नुकताच कतारमध्ये अर्जेंटिना संघाने फिफा वर्ल्डकप 2022 स्पर्धेचे विजेतेपद पटकावले आहे.
हा मेस्सीचा अखेरचा वर्ल्डकप होता आणि त्याने त्याचे विश्वविजेते होण्याचे स्वप्न पूर्ण केले आहे.
यापूर्वी मेस्सीने स्वाक्षरी केलेली जर्सी बीसीसीआयचे सचिव जय शाह यांच्यासाठीही पाठवली होती.