Pranali Kodre
क्रिकेट समालोचन किंवा निवेदन या क्षेत्रात बरीच वर्षे पुरुषांचे वर्चस्व दिसून आले होते.
पण, गेल्या काही वर्षात अनेक महिलांनी याच क्षेत्रात आपली नवीन ओळख बनवली आहे.
मंदीरा बेदी गेल्या अनेक वर्षापासून क्रिकेट समालोचन क्षेत्रात कार्यरत आहे. तिने आजपर्यंत अनेक स्पर्धांमध्ये क्रिकेट अँकर आणि समालोचक म्हणून काम पाहिले आहे.
मयंती लँगर हे देखील जवळपास घराघरात पोहचलेले नाव आहे. ती अनेक राष्ट्रीय आंतरराष्ट्रीय क्रीडा स्पर्धांदरम्यान अँकर म्हणून काम करताना दिसते.
संजना गणेशन आयसीसी स्पर्धा असो, किंवा इतर आंतरराष्ट्रीय मालिका संजना गणेशननेही आत्तापर्यंत अनेक क्रिकेटपटूंच्या मुलाखती घेतल्या असून तिनेही या क्षेत्रात वेगळी ओळख निर्माण केली आहे.
आयपीएलमधून ओळख मिळालेली शिवानी दांडेकर अभिनेत्री जरी असली, तरी तिने क्रिकेट होस्ट म्हणूनही ओळख बनवली आहे. तिने २०१९ वर्ल्डकपमध्येही होस्ट म्हणून काम पाहिले होते.
न्यूझीलंडची लॉरा मॅकगोल्ड्रिक एक उत्तम क्रीडा अँकर म्हणून प्रसिद्ध आहे. ती न्यूझीलंडचा क्रिकेटपटू मार्टिन गप्टीलची पत्नी आहे.
पाकिस्तानच्या झैनाब अब्बास हिनेही क्रिकेट अँकर म्हणून मोठे नाव कमावले असून ती अनेक स्पर्धांमध्ये अँकरिंग करताना दिसते.