Sameer Amunekar
हिवाळ्यात सूर्यप्रकाश कमी मिळतो. त्यामुळे रोपांना सकाळचा हलका आणि नैसर्गिक प्रकाश मिळेल अशा ठिकाणी ठेवा.
थंड हवेत माती कोरडी होण्यास वेळ लागतो. वारंवार पाणी घातल्यास मुळांत कुज येऊ शकते. माती थोडी कोरडी झाल्यावरच पाणी द्या.
हिवाळ्यात हवा कोरडी होत असल्याने पानांवर हलक्या गार पाण्याचा स्प्रे करा, यामुळे आर्द्रता टिकून राहते आणि पानं तजेलदार दिसतात.
हिवाळ्यात वाढ मंदावते, त्यामुळे खतांचा वापर कमी करा. हवामान उबदार झाल्यावरच नियमित खते द्या.
खिडक्या, दारांमधून येणाऱ्या थंड झोतापासून दूर ठेवा. रात्री पडदे लावून किंवा रोपं थोडी आत हलवून ठेवा.
पानांवर धूळ, मळ साचल्यास प्रकाश शोषण कमी होते. ओल्या कापडाने किंवा मऊ ब्रशने पानं स्वच्छ करा.
झाडं थेट उष्ण ठिकाणी ठेवू नका. मध्यम तापमानात रोपं अधिक निरोगी राहतात.