Akshata Chhatre
सर्वसामान्यपणे एखाद्या जवळच्या मित्रावर प्रेम जडणं हे त्या नात्यात आधीपासूनच असलेल्या भावनिक जवळीक, एकमेकांसोबतचे अनुभव आणि सवयीमधील सहजता यांमुळे होतं.
अशा नात्यांमध्ये आधीच विश्‍वास, समजूतदारपणा आणि एकमेकांची सवय असते, त्यामुळे मैत्रीतून प्रेमाकडे झुकणं हे अगदी नैसर्गिक वाटू लागतं.
चांगल्या मित्रांमध्ये एक खोल भावनिक नातं असतं. ते एकमेकांचे गुपितं, कमकुवत बाजू आणि चुकाही ओळखतात आणि स्वीकारतात.
ही पारदर्शकता एकमेकांमध्ये सुरक्षिततेची आणि आपलेपणाची भावना निर्माण करते, जी नंतर प्रेमात रूपांतरित होऊ शकते.
अनेक वेळा एकत्र घालवलेले क्षण, अडचणीच्या काळात एकमेकांना दिलेला पाठिंबा आणि छोट्या छोट्या आठवणींमुळे त्यांच्यातला संबंध अधिक घट्ट होतो.
हेच अनुभव मैत्रीच्या पलीकडे जाऊन, प्रेमात बदलण्यास कारणीभूत ठरतात.
ज्या व्यक्तीला आपण चांगलं ओळखतो आणि ज्याच्यावर आपल्याला पूर्ण विश्‍वास आहे, त्याच्याशी प्रेमसंबंधात येणं अधिक सोपं वाटतं.