गोमन्तक डिजिटल टीम
14 जुलै रोजी दुपारी 2.35 वाजता आंध्र प्रदेशातील श्रीहरीकोटामध्ये असणाऱ्या सतीश धवन अंतराळ केंद्रावरून चांद्रयान-३ चे प्रक्षेपण करण्यात आले.
ऑगस्ट महिन्याच्या २३ किंवा २४ तारखेपर्यंत चांद्रयान चंद्रापर्यंत पोहोचेल, अशी माहिती इस्रोने दिली.
पण तुमच्याही मनात एक प्रश्न पडला असेल, की चांद्रयानाच्या प्रक्षेपणासाठी जुलै महिन्याचीच निवड का करण्यात आली. चला तर जाणून घेऊयात यामागील कारण
जुलै महिन्यात चंद्र हा पृथ्वीच्या अगदी जवळ असतो. त्यामुळे चंद्रमोहीमेची बहुतांश प्रक्षेपणे जुलै महिन्यात केली जातात.
14 तारीख निवडण्यामागे देखील एक महत्त्वाचं कारण म्हणजे कोणत्याही यानाला चंद्रावर लँडिंग करायचं असेल, तर तिथे प्रकाश असणं गरजेचं आहे.
चंद्राला स्वतःचा प्रकाश नसतो, त्यामुळे तिथे सूर्योदय कधी होतो यानुसार प्रक्षेपणाची तारीख ठरवणं गरजेचं ठरतं.
चंद्राची स्वतःभोवती फिरण्याची गती कमी असल्यामुळे, चंद्रावरचा एक दिवस हा पृथ्वीवरील 14 ते 15 दिवसांचा असतो.
त्यामुळे हे 15 दिवस चंद्रावर प्रकाश असतो, तर बाकी 15 दिवस अंधार.
चंद्रयानाच्या लँडिंगसाठी चंद्रावरील पूर्ण एक दिवसाचा कालावधी गरजेचा आहे. यामुळे यासाठी 14 जुलै ही तारीख निश्चित करण्यात आली आहे.