Akshata Chhatre
आपण रोजची अंडी, केळी किंवा मिठाई 'डझन' मध्ये मोजतो, पण या डझनमध्ये नेहमी १२ वस्तूच का असतात?
यामागे एक रंजक इतिहास आहे. आज आपण १० वर आधारित दशांश प्रणाली वापरतो.
पण प्राचीन इजिप्त, रोम आणि बॅबिलोन सारख्या सभ्यता १२वर आधारित प्रणाली वापरायच्या.
कारण एका वर्षात १२ महिने, घड्याळात १२ तासांचे चक्र आणि एका गोलाला १२ समान भागांमध्ये विभागणे सोपे होते.origin of dozen| why 12 in dozen
गणितीय दृष्ट्याही १२ खूप सोयीस्कर आहे, कारण त्याला २, ३, ४ आणि ६ ने सहज भागले जाऊ शकते. त्यामुळे व्यापारी आणि बाजारात वस्तूंची विभागणी करणे आणि हिशेब ठेवणे सोपे झाले.
यामुळेच १२ वस्तूंना एकत्र ठेवून 'एक डझन' म्हणण्याची प्रथा सुरू झाली.
विशेष म्हणजे, पूर्वी इंग्लंडमध्ये 'बेकर्स डझन' म्हणून १३ वस्तू देण्याची पद्धत होती, जिथे १३वा तुकडा बोनस म्हणून दिला जाई.