Manish Jadhav
काही लोकांना अननसाची ऍलर्जी असू शकते. अननस खाल्ल्यानंतर ओठ, जीभ किंवा घशात खाज येणे, सूज येणे किंवा रॅशेस येणे ही ऍलर्जीची लक्षणे आहेत. अशा लोकांनी अननस खाणे टाळावे.
अननसमध्ये नैसर्गिकरित्या मोठ्या प्रमाणात ऍसिड असते. त्यामुळे ज्या लोकांना ऍसिडिटीचा त्रास किंवा गॅस्ट्रोएसोफेगल रिफ्लक्स रोग (GERD) आहे, त्यांना अननस खाल्ल्याने छातीत जळजळ आणि ऍसिडिटी वाढू शकते.
अननसमध्ये ब्रोमेलेन (Bromelain) नावाचे एक नैसर्गिक एन्झाइम असते, जे रक्त पातळ करण्याचे काम करते. त्यामुळे जे लोक आधीच रक्त पातळ करणारी औषधे (Blood Thinners) घेत आहेत, त्यांनी अननस खाल्ल्यास रक्तस्रावाचा धोका वाढू शकतो.
अननसच्या ऍसिडमुळे दातांच्या बाहेरील आवरणाचे (Enamel) नुकसान होऊ शकते. त्यामुळे दात संवेदनशील होतात आणि किडण्याचा धोका वाढतो. ज्या लोकांचे दात आधीच संवेदनशील आहेत, त्यांनी अननस खाणे टाळावे.
गर्भावस्थेच्या सुरुवातीच्या काळात, विशेषतः पहिल्या तिमाहीत, काही डॉक्टर अननस खाण्यास मनाई करतात. अननसमधील ब्रोमेलेनमुळे गर्भाशयाच्या स्नायूंना आकुंचन (Contractions) येऊ शकते. त्यामुळे गर्भपात होण्याचा धोका संभवतो.
अननस गोड असते आणि त्यात नैसर्गिक साखर (Sugar) जास्त प्रमाणात असते. त्यामुळे मधुमेहाच्या रुग्णांनी अननस खाताना खूप काळजी घ्यावी किंवा डॉक्टरांच्या सल्ल्यानुसारच मर्यादित प्रमाणात खावे, अन्यथा रक्तातील साखरेची पातळी वाढू शकते.
अननसमध्ये फायबरचे प्रमाण अधिक असते. काही लोकांना जास्त प्रमाणात फायबर पचवता येत नाही, ज्यामुळे त्यांना अतिसार किंवा पोटाचे विकार होऊ शकतात.
ब्रोमेलेनच्या रक्त पातळ करण्याच्या गुणधर्मामुळे, कोणत्याही शस्त्रक्रियेपूर्वी आणि नंतर अननस खाणे टाळण्याचा सल्ला दिला जातो. यामुळे शस्त्रक्रियेदरम्यान किंवा त्यानंतर होणारा रक्तस्राव नियंत्रित करणे कठीण होऊ शकते.