Pranali Kodre
वेस्ट इंडिज विरुद्ध भारत संघातील कसोटी मालिकेचा दुसरा सामना त्रिनिदादमधील पोर्ट ऑफ स्पेन येथील क्विन्स पार्क ओव्हल येथे खेळवण्यात आला.
हा सामना पाचव्या दिवशी अनिर्णित राहिला. त्यामुळे मालिका भारताने 1-0 अशी जिंकली. दरम्यान, दुसऱ्या कसोटीत भारताने इतिहास रचला.
त्रिनिदाद कसोटीत भारताने दुसरा डाव 24 षटकात 2 बाद 181 धावा करत घोषित केला होता.
या डावात भारताने 74 चेंडूतच 100 धावांचा आकडा पार केला होता.
त्यामुळे कसोटी क्रिकेटमध्ये सर्वात जलद डावात 100 धावा करण्याचा विश्वविक्रम भारताच्या नावावर झाला.
यापूर्वी हा विक्रम श्रीलंकेच्या नावावर होता. श्रीलंकेने बांगलादेशविरुद्ध 2001 साली 80 चेंडूत 100 धावा केल्या होत्या.
तसेच इंग्लंड संघाने 1994 साली दक्षिण आफ्रिकेविरुद्ध कसोटीत डावाच्या 81 चेंडूत 100 धावांचा टप्पा पार केला होता.
याशिवाय बांगलादेशने वेस्ट इंडिजविरुद्ध 2012 साली आणि इंग्लंडने पाकिस्तानविरुद्ध 2022 साली झालेल्या कसोटी सामन्यांमध्ये डावात प्रत्येकी 82 चेंडूत 100 धावांचा टप्पा पार केलेला.