Pranali Kodre
इंडियन प्रीमियर लीग 2023 स्पर्धेत चेन्नई सुपर किंग्स आणि गुजरात टायटन्स संघात अंतिम सामना पार पडला.
अंतिम सामन्यात चेन्नई सुपर किंग्सने 5 विकेट्सने विजय मिळवला आणि पाचव्यांदा आयपीएलचे विजेतेपद नावावर केले.
अंतिम सामन्यात चेन्नईला विजयासाठी अखेरच्या दोन चेंडूत १० धावांची गरज असताना रविंद्र जडेजाने षटकार आणि चौकार मारत चेन्नईला विजय मिळवून दिला.
चेन्नईचा हा विजय जडेजाने कर्णधार एमएस धोनीला समर्पित केला आहे.
तसेच जडेजाने सोशल मीडियावर खास पोस्टही केले आहेत. यामध्ये जडेजाने धोनीबरोबर आयपीएल ट्रॉफी हातात घेतलेला. तसेच त्याच्या पत्नीबरोबरचा फोटोही शेअर केला आहे.
या पोस्टच्या कॅप्शनमध्ये लिहिले आहे की 'आम्ही हे फक्त आणि फक्त एमएस धोनीसाठी केले आहे. माही भाई तुझ्यासाठी काहीही.'
अंतिम सामना जिंकल्यानंतर एमएस धोनीने जडेजाला उचलूनही घेतले होते, या घटनेचा फोटोही सध्या व्हायरल झाला आहे.