Akshata Chhatre
दररोज १०,००० पावले चालणे ही आरोग्यासाठी आदर्श मानली जात होती, पण अलीकडील संशोधनानुसार फक्त ७,००० पावले चालूनही आपले हृदय निरोगी राहू शकते.
दररोज ७,००० पावले चालणाऱ्यांमध्ये अकाली मृत्यूचा धोका ४७% ने कमी होतो, हृदयरोगाचा धोका २५% आणि कॅन्सरमुळे होणाऱ्या मृत्यूचा धोका ३७% ने घटतो.
याशिवाय टाइप-२ डायबिटीज, डिमेन्शिया आणि डिप्रेशन यांसारख्या आजारांचा धोका देखील कमी होतो.
अगदी ४,००० पावले चालणाऱ्यांमध्येही चांगले परिणाम दिसून आले. आठवड्यातील ६ दिवस, दररोज किमान ६ किमी अंतर आणि ताशी ६ किमी वेगाने चालल्यास चरबी कमी होते.
विशेषतः पोटाचा घेर कमी होतो आणि हृदय अधिक मजबूत बनते.
चालणे ही सोपी, स्वस्त आणि कोणत्याही वयात करता येणारी व्यायामपद्धत आहे.
यामुळे रक्तदाब, कोलेस्ट्रॉल कमी होतो, मेंदूची कार्यक्षमता वाढते, मूड सुधारतो, तणाव कमी होतो आणि झोप चांगली लागते.