Pranali Kodre
विराट कोहली आणि एमएस धोनी यांच्यात चांगली मैत्री असल्याचे आता सर्वांनाच माहिती आहे.
धोनीने नेहमीच विराटला पाठिंबा दिला असून विराटनेही नेहमीच धोनीचा आदर राखला आहे.
नुकतेच विराटने आरसीबीच्या पॉडकास्टमध्ये धोनीबरोबरच्या नात्याबद्दल मोठे भाष्य करताना त्याला धोनीने त्याच्या वाईट काळात कशी साथ दिली याबद्दल सांगितले आहे.
विराटने सांगितले की बालपणीचे प्रशिक्षक आणि माझ्या कुटुंबाशिवाय फक्त एक व्यक्ती होता, ज्याने या काळात माझ्याशी संपर्क साधला, तो व्यक्ती म्हणजे एमएस धोनी.
विराटने सांगितले की 'धोनीला साधारण दिवशी फोन केला, तर तो ९९ टक्के उचलणार नाही. कारण तो फारसा फोन पाहात नाही. त्यामुळे तोच मला संपर्क करतो'
तसेच विराटने धोनीच्या मेसेजबद्दल सांगितले की, 'एकदा त्याने मेसेज केलेला की जेव्हा तुम्ही मजबूत असाल अशी सर्वांना अपेक्षा असते आणि दिसताना पण तुम्ही मजबूत दिसता, तेव्हा लोक तुम्हाला तुम्ही कसे आहात, हे विचारायला विसरतात.'
धोनीच्या या मेसेजनंतर विराटला खूप आपलेपणा वाटल्याचे त्यानेच मान्य केले.
त्याचबरोबर विराटने असेही सांगितले की धोनीनेच त्याला कर्णधारपदासाठी निवडले होते. तसेच जेव्हा नेतृत्वबदल झाला, तेव्हा त्यांच्या नात्यात कधीही फरक पडला नाही.
विराटने तो धोनीचा खूप सन्मान करत असल्याचेही सांगितले.
विराट आणि धोनी भारतीय संघाकडून ११ वर्षे एकत्र खेळले आहेत.