Pranali Kodre
रॉयल चॅलेंजर्स बेंगलोरचा संघाला 18 मे रोजी सनरायझर्स हैदराबादविरुद्ध सामना खेळायचा आहे.
हा सामना हैदराबादमधील राजीव गांधी आंतरराष्ट्रीय स्टेडियमवर होणार आहे. त्यामुळे बेंगलोरचा संघ हैदराबादला पोहचला.
दरम्यान, हैदराबादला आल्यानंतर बेंगलोरमधील खेळाडूंनी मोहम्मद सिराजच्या घरी भेट दिली.
बेंगलोरकडून खेळणाऱ्या सिराजने त्याच्या हैदराबादमधील नवीन घरी संघसकाऱ्यांना आमंत्रित केले होते.
त्यामुळे बेंगलोरमधील अनेक खेळाडू सिराजच्या घरी गेले होते, यादरम्यानचे फोटो बेंगलोरने सोशल मीडियावरही शेअर केले आहे.
या फोटोंमध्ये बेंगलोरचा कर्णधार फाफ डू प्लेसिस, विराट कोहली, केदार जाधव, वेन पार्नेल, मायकल ब्रेसवेल, प्रशिक्षक संजय बांगर यांच्याबरोबरच अनेक सदस्य दिसून येत आहेत.
बेंगलोरमधील खेळाडूंनी आणि सपोर्ट स्टाफ सदस्यांनी सिराजच्या कुटुंबियांशीही संवाद साधल्याचे दिसले.
बेंगलोर संघातील सदस्यांनी सिराजच्या घरी बिर्याणीवरही ताव मारला.
सिराजचे नवीन घर हैदराबादमधील जुब्ली हिल्स फिल्म नगर येथे आहे.