Pranali Kodre
भारत विरुद्ध वेस्ट इंडिज संघात 20 जुलैपासून त्रिनिदादमधील पोर्ट ऑफ स्पेन येथील क्विन्स पार्क ओव्हल येथे कसोटी मालिकेतील दुसरा आणि अखेरचा सामना सुरु आहे.
या सामन्याच्या पहिल्या दिवसाखेर विराट कोहलीने नाबाद 87 धावा केल्या, यासह त्याने मोठ्या विक्रमाला गवसणी घातली आहे.
हा सामना विराटचा आंतरराष्ट्रीय क्रिकेट कारकिर्दीतील 500 वा सामना आहे.
विराट 500 आंतरराष्ट्रीय सामने खेळणारा जगातील 10 आणि भारताचा चौथा क्रिकेटपटू ठरला.
विराटने त्याचा 500 व्या सामन्यात 50 धावांचा टप्पा पार केला आहे. त्यामुळे विराट 500 व्या आंतरराष्ट्रीय सामन्यात 50 धावांचा टप्पा ओलांडणारा पहिलाच क्रिकेटपटू ठरला आहे.
विराटआधी 500 आंतरराष्ट्रीय सामने खेळण्याचा पराक्रम करणाऱ्या 9 क्रिकेटपटूंना त्यांच्या 500 व्या सामन्यात अर्धशतक करता आले नव्हते.
तसेच विराटने या खेळीदरम्यान आंतरराष्ट्रीय कारकिर्दीत 25500 धावांचा टप्पा पार केला.
याबरोबरच विराटने आंतरराष्ट्रीय क्रिकेटमध्ये सर्वाधिक धावा करणाऱ्या फलंदाजांच्या यादीत पाचवा क्रमांकही मिळवला.