Akshata Chhatre
वास्तुशास्त्रानुसार, घरातील प्रत्येक वस्तू व खोलीची एक विशिष्ट दिशा आणि योग्य जागा असते. त्या प्रमाणे घराची रचना केली, तर घरातील लोकांच्या जीवनात सकारात्मक ऊर्जा निर्माण होते.
पण वस्तू चुकीच्या दिशेला ठेवल्यास किंवा खोलींची रचना चुकीच्या पद्धतीने केल्यास वास्तुदोष निर्माण होऊ शकतो.
याचा परिणाम आरोग्य, आर्थिक स्थिती आणि मानसिक शांतीवर होतो.
वास्तुशास्त्रानुसार, बेडरूममध्ये बाथरूम असणे टाळावे. बेडरूममध्ये शांत आणि स्थिर ऊर्जा असते, तर बाथरूममध्ये नकारात्मक व ओलसर ऊर्जा असते.
या दोन ऊर्जांचा परस्पर संपर्क झाल्यास घरातील व्यक्तींना आरोग्याच्या समस्या व आर्थिक नुकसान होऊ शकते.
जर आधीच बेडरूममध्ये बाथरूम असेल, तर त्याचा दरवाजा शक्यतो नेहमी बंद ठेवावा. यामुळे नकारात्मक ऊर्जा खोलीत पसरत नाही.
शौचालय आणि स्नानघर वेगवेगळे असावेत. दोन्ही एकत्र असल्यास राहू आणि चंद्र ग्रह कमजोर होऊ शकतात. स्नानघर पूर्व दिशेला बांधावे आणि पाणी वाहण्याची दिशा उत्तर ठेवावी.