Akshata Chhatre
महागड्या क्रीम्स, सलाईन ट्रीटमेंट्स किंवा केमिकलयुक्त उत्पादनांवर भर देण्याऐवजी, आपल्या घरात सहज उपलब्ध असलेला एक घटक अनेक त्वचासंबंधी समस्यांवर परिणामकारक ठरू शकतो तो म्हणजे तुरटी.
आपण अनेकदा तिचा उपयोग फोडांवर लावण्यासाठी, पाण्याच्या शुद्धीकरणासाठी किंवा केसांवरील उपचारात करतो, मात्र त्वचेच्या आरोग्यासाठीसुद्धा ती तेवढीच प्रभावी आहे.
तुरटीमध्ये नैसर्गिक अँटीबॅक्टेरियल आणि अँटीसेप्टिक गुणधर्म असतात, जे त्वचेला मुरुमांपासून सुरकुत्यांपर्यंत विविध समस्यांपासून दूर ठेवण्यास मदत करतात.
गुलाबपाणी, ग्लिसरीन आणि तुरटीची पावडर मिसळून बनवलेली पेस्ट चेहऱ्यावर लावल्यास मुरुमं करणारे बॅक्टेरिया नष्ट होतात आणि चेहऱ्यावर थंडावा मिळतो.
तेलकट त्वचेसाठीही तुरटी अत्यंत फायदेशीर आहे. त्वचेतील अतिरिक्त ओलसरता ती शोषून घेते, पण त्वचा कोरडी होत नाही. परिणामी चेहरा मृदू आणि संतुलित राहतो.
तुरटीमध्ये असलेले स्किन ब्राइटनिंग गुणधर्म त्वचेला उजळपणा देतात. सतत उन्हात वावरल्याने झालेलं टॅनिंग हळूहळू कमी होतं.
याशिवाय तुरटी रक्ताभिसरण सुधारते, ज्यामुळे त्वचेला आवश्यक पोषण आणि ऑक्सिजन मिळतो. त्यामुळे डाग, ठिपके, काळसरपणा यामध्येही लक्षणीय घट होते.