Akshata Chhatre
उन्हाळा असो वा पावसाळा, प्रत्येक ऋतूमध्ये आपल्या त्वचेला ताण सहन करावा लागतो. सूर्यप्रकाशामुळे होणारी टॅनिंग आणि पावसामुळे निर्माण होणारा घाण थर यामुळे चेहरा गडद, थकलेला आणि निस्तेज दिसू लागतो.
अशा वेळी अनेकजण महागड्या सौंदर्यप्रसाधनांकडे वळतात, मात्र त्यातील रसायनांमुळे त्वचेला नुकसान होण्याचीही शक्यता असते. यावर एक सोपा, नैसर्गिक आणि घरगुती उपाय म्हणजे – टोमॅटो.
स्वयंपाकघरात सहज मिळणारा टोमॅटो केवळ जेवणाची चव वाढवत नाही, तर तुमच्या त्वचेलाही पोषण देतो.
त्यामध्ये असणारे लायकोपीन नावाचे अँटीऑक्सिडंट त्वचेला सूर्यप्रकाशापासून संरक्षण देतं आणि नैसर्गिक सनस्क्रीनसारखे काम करतं.
टोमॅटोचा रस चेहरा व मानेवर लावल्यास टॅनिंग हळूहळू कमी होते आणि त्वचा उजळ दिसू लागते. आठवड्यातून तीन वेळा हा उपाय केल्याने गडदपणा कमी होतो.
अधिक प्रभावी परिणामासाठी टोमॅटोच्या रसात लिंबाचा रस आणि मध मिसळून फेसपॅक तयार करता येतो.
टोमॅटो एक नैसर्गिक ब्लीचसारखे कार्य करत असून कोणताही साइड इफेक्ट न देता त्वचेला आतून पोषण देतो.