Kavya Powar
काजू पिकाचे दिवस आता जवळ येऊ लागले आहेत.
गोव्यात सध्या काजूच्या झाडांना मोहोर बहरू लागला असून डिचोली तालुक्यातील पिळगाव, सर्वणसह अन्‍य काही भागांत फळ धरण्याची प्रक्रियाही सुरू झाली आहे.
दोन दिवसांपूर्वी पडलेल्या अवकाळी पावसाचा काजू मोहोरावर विशेष परिणाम होणार नसल्याचा अंदाज कृषी तज्ञांनी वर्तविला आहे.
काजूच्या झाडाला मोहोर धरण्याची प्रक्रिया सुरू झाल्याने बागायतदारांना काजू हंगामाचे वेध लागले आहेत.
हवामान संतुलित राहिल्यास फेब्रुवारी महिन्याच्या उत्तरार्धात काजू व्यवसायाची लगबग सुरू होण्याची शक्यता आहे.
दरम्यान, गोव्यातील डिचोली तालुका हा काजू पिकाबाबत आघाडीवर आहे.
यंदा काजू पिकासाठी हवामान पोषक आहे.