Pranali Kodre
स्पेनचा टेनिसपटू राफेल नदाल आणि स्वित्झर्लंडचा टेनिसपटू रॉजर फेडरर यांच्यात घट्ट मैत्री आहे.
खरंतर हे दोन्ही खेळाडू दिग्गज मानले जातात.
विशेष म्हणजे टेनिसच्या कोर्टवर एकमेकांचे ते दोघेही कट्टर प्रतिस्पर्धी आहेत. कोर्टवर असताना एकमेकांना पराभूत करण्यासाठी ते जीवाची बाजी लावताना दिसले.
दरम्यान, टेनिस कोर्टवर जरी ते अनेक वर्षे एकमेकांविरुद्ध लढले तरी गेल्या दोन दशकात टेनिस कोर्टबाहेर मात्र दोघांची घट्ट मैत्री झाली.
एकमेकांविरुद्ध खेळता खेळता ते मित्र म्हणून जवळ आले. अनेकदा ते आता एकमेकांचे कौतुकही करताना दिसतात.
पण, या दोघांची मैत्री किती घट्ट आहे हे दिसलं ते फेडररच्या निवृत्तीवेळी.
लंडनला 2022 मध्ये झालेल्या लेव्हर कप स्पर्धेनंतर फेडररने निवृत्ती घेतली. या स्पर्धेत नदाल आणि फेडरर एकत्र दुहेरी सामनाही खेळले.
याच स्पर्धेत फेडरर निवृत्त झाल्यानंतर त्याच्या शेजारी बसून नदालही ढसाढसा त्याचा हात पकडून रडला होता. यावेळीचे अनेक फोटोही व्हायरल झाले होते.
त्यांची ही मैत्री खेळाच्या दुनेयेत मैदानात प्रतिस्पर्धी असले, तरी मैदानाबाहेर मैत्री होऊ शकते, हे दाखवून देणारे एक उत्तम उदाहरण ठरले.