Pranali Kodre
भारत विरुद्ध ऑस्ट्रेलिया संघात 7 जूनपासून कसोटी चॅम्पियनशीप 2021-23 स्पर्धेचा अंतिम सामना होणार आहे.
हा अंतिम सामना लंडनमधील द ओव्हल मैदानावर खेळवला जाणार आहे.
त्यामुळे भारत आणि ऑस्ट्रेलिया संघ इंग्लंडला पोहोचले असून खेळाडूंनी कसून तयारीही सुरू केली आहे.
यादरम्यान दोन्ही संघाचे खास फोटोशूटही करण्यात आले आहे.
भारतीय संघाचे नव्या जर्सीमध्ये फोटोशूट झाले आहे. या फोटोशूटचे फोटो आयसीसी आणि बीसीसीआयने सोशल मीडियावर शेअर केले आहेत.
कसोटी चॅम्पियनशीपच्या अंतिम सामन्यापूर्वी बीसीसीआयने किट स्पॉन्सर म्हणून आदिदास (Adidas) ब्रँडशी करार केला आहे.
त्यानंतर Adidas ने भारतीय संघाच्या तिन्ही आंतरराष्ट्रीय क्रिकेट प्रकारासाठी नव्या जर्सीचे अनावरण केले आहे.
त्यामुळे कसोटी चॅम्पियनशीपमधील अंतिम सामन्यात भारतीय संघ ही नवीन जर्सी घालून उतरणार आहे.