Pranali Kodre
वनडे वर्ल्डकप 2023 स्पर्धेत वानखेडे स्टेडियमवर २ नोव्हेंबर रोजी झालेल्या सामन्यात भारताने श्रीलंकेविरुद्ध 302 धावांनी विजय मिळवला.
या सामन्यात भारताने श्रीलंकेविरुद्ध प्रथम फलंदाजी करताना 50 षटकात 8 बाद 357 धावा केल्या होत्या. त्यानंतर 358 धावांच्या आव्हानाचा पाठलाग करताना श्रीलंकेचा संघ 19.4 षटकात 55 धावा करून सर्वबाद झाला.
हा भारताचा या स्पर्धेतील सलग सातवा विजय ठरला.
याबरोबरच भारताने 14 गुणांसह उपांत्य फेरीतील स्थानही निश्चित केले.
भारत वर्ल्डकप २०२३ स्पर्धेच्या उपांत्य फेरीत स्थान पक्के करणारा पहिला संघही ठरला.
भारताने श्रीलंकेपूर्वी या स्पर्धेत ऑस्ट्रेलिया, अफगाणिस्तान, पाकिस्तान, बांगलादेश, न्यूझीलंड आणि इंग्लंड या संघांना पराभूत केले आहे.
भारताने वनडे वर्ल्डकप इतिहासात उपांत्य फेरीत पोहचण्याची ही आठवी वेळ आहे.
भारतीय संघ 2023 पूर्वी 1983, 1987, 1996, 2003, 2011, 2015 आणि 2019 या वर्ल्डकप स्पर्धांमध्ये उपांत्य फेरीत पोहचला आहे.