Manish Jadhav
तारकर्ली हा कोकणातील सर्वात सुंदर आणि स्वच्छ समुद्रकिनाऱ्यांपैकी एक आहे. येथील पांढरी शुभ्र वाळू आणि किनारपट्टीवर असलेली सुरुची झाडे पर्यटकांच्या मनाला शांती देतात.
या किनाऱ्याचे सर्वात मोठे वैशिष्ट्य म्हणजे येथील पारदर्शक पाणी. समुद्रात 20 ते 25 फूट खोलीपर्यंतचा तळ उघड्या डोळ्यांनी स्पष्ट दिसतो, असा अनुभव भारतात क्वचितच मिळतो.
जर तुम्हाला पाण्याखालील जग पाहायचे असेल, तर तारकर्ली ही सर्वोत्तम जागा आहे. येथे तुम्ही 'स्कूबा डायव्हिंग' आणि 'स्नॉर्कलिंग'चा आनंद घेऊन रंगीबेरंगी मासे व प्रवाळ पाहू शकता.
तारकर्लीमध्ये पहाटेच्या वेळी समुद्रात सफारीला गेल्यास 'डॉल्फिन'चे दर्शन घडते. समुद्राच्या लाटांवर उड्या मारणारे डॉल्फिन पाहणे हा लहान मुलांपासून थोरांपर्यंत सर्वांसाठी एक खास अनुभव असतो.
तारकर्लीपासून हाकेच्या अंतरावर असलेला मालवणचा सिंधुदुर्ग किल्ला पाहता येतो. समुद्राच्या मध्यभागी असलेल्या या छत्रपती शिवाजी महाराजांच्या अभेद्य किल्ल्याला भेट दिल्याशिवाय तारकर्ली सहल पूर्ण होऊ शकत नाही.
केरळप्रमाणेच तारकर्लीच्या कर्ली नदीमध्ये 'बॅकवॉटर'चा आनंद घेता येतो. येथील हाऊसपोटीमध्ये राहून निसर्गरम्य कोकणी ग्रामीण भागाचे दर्शन घेणे अत्यंत सुखद असते.
संध्याकाळच्या वेळी तारकर्लीच्या अथांग समुद्रात होणारा सूर्यास्त पाहणे हा एक जादुई अनुभव असतो. आकाशातील केशरी रंग आणि समुद्राची गाज मनाला उभारी देणारी असते.