Kavya Powar
9 ते 11 डिसेंबर दरम्यान पुण्यात आरोग्यासाठी ‘स्वास्थ्यम्’ उपक्रम आयोजित करण्यात येत आहे.
आधुनिक व स्पर्धात्मक धावपळीच्या जीवनात आपले शरीर व मन खूप थकून जाते.
अशा परिस्थितीत शरीर आणि मनाला स्थिर व सुदृढ आरोग्यदायी राखण्यासाठी ध्यानधारणा, प्राणायाम व योगासने सर्वोत्तम उपाय आहेत.
‘सकाळ माध्यम समूहा’तील ‘वुई आर इन धिस टुगेदर’ मोहिमेअंतर्गत हा उपक्रम घेण्यात येत आहे.
या उपक्रमाच्या माध्यमातून विविध क्षेत्रांतील अनेक नामवंत तज्ज्ञ व्यक्तींचे मार्गदर्शन मिळणार आहे.
ताणतणाव आणि मानसिक विकार यांसारखे आजार कायमचे व समूळ नष्ट करण्यासाठी योगसाधना हा एक उत्तम उपाय आहे.
योग हा रोगनिवारक असून, योगाचा संबंध हा आरोग्याशी, शरीरधर्माशी, वैद्यकशास्त्राशी आणि निरोगी जीवनाशी आहे.
योगपद्धतीचा अवलंब करून, ध्यान-धारणा आणि प्राणायाम योगसाधनेद्वारे श्‍वास घेऊन, शुद्ध हवा आपल्या संपूर्ण शरिरात पोहोचवण्याचे काम केले जाते.