Pranali Kodre
आयपीएल 2023 स्पर्धेत 12 मे रोजी मुंबई इंडियन्सने गुजरात टायटन्सविरुद्ध 27 धावांनी विजय मिळवला.
मुंबईच्या विजयात सूर्यकुमार यादवने शतकी खेळी करत मोलाचा वाटा उचलला.
सूर्यकुमारने 49 चेंडूत 103 धावांची खेळी करताना 11 चौकार आणि 6 षटकार मारले.
सुर्यकुमार मुंबई इंडियन्सकडून शतक करणारा पाचवा खेळाडू ठरला आहे.
मुंबई इंडियन्सकडून पहिले शतक सनथ जयसूर्याने केले होते. त्याने 14 मे 2008 रोजी चेन्नई सुपर किंग्सविरुद्ध 114 धावांची खेळी केली होती.
मास्टर-ब्लास्टर सचिन तेंडुलकरने मुंबई इंडियन्सकडून 15 एप्रिल 2011 रोजी कोची टस्कर्स केरला विरुद्ध 100 धावांची खेळी केली होती.
मुंबई इंडियन्सकडून रोहित शर्माने तिसरे शतक केले होते. त्याने 12 मे 2012 रोजी कोलकाता नाईट रायडर्स विरुद्ध 109 धावांची खेळी केली होती.
लिंडल सिमन्सने 21 मे 2014 रोजी मुंबई इंडियन्सकडून चौथे शतक केले होते. त्याने किंग्स इलेव्हन पंजाबविरुद्ध 100 धावांची खेळी केली होती.