Pranali Kodre
भारत विरुद्ध वेस्ट इंडिज संघात 20 जुलैपासून त्रिनिदादमधील पोर्ट ऑफ स्पेन येथील क्विन्स पार्क ओव्हल येथे कसोटी मालिकेतील दुसरा आणि अखेरचा सामना सुरु आहे.
हा भारत आणि वेस्ट इंडिज संघातील 100 वा कसोटी सामना आहे.
त्यामुळे १०० व्या कसोटी सामन्याच्या निमित्ताने सुनील गावसकरांचा 22 जुलै रोजी क्विन्स पार्क क्रिकेट क्लबकडून सन्मान करण्यात आला.
या सत्कार सोहळ्याचे फोटो आणि व्हिडिओ स्वत: गावसकरांनी सोशल मीडियावर शेअर केले आहेत.
त्यांनी शेअर केलेल्या फोटोंमध्ये त्यांच्याबरोबर वेस्ट इंडिजचे दिग्गज क्रिकेटपटू आणि 'प्रिन्स ऑफ त्रिनिदाद' म्हणून ओळखले जाणारे ब्रायन लारा देखील दिसत आहेत.
गावसकरांनी शेअर केलेल्या व्हिडिओमध्ये ते एका चाहत्याशीही संवाद साधताना दिसत आहेत
गावसकरांनी त्याच्या कारकिर्दीत वेस्ट इंडिजविरुद्ध 38 आंतरराष्ट्रीय सामने खेळले आहेत. यामध्ये त्यांनी 60.46 च्या सरासरीने 3144 धावा केल्या आहेत.
गावसरांनी वेस्ट इंडिजविरुद्ध 13 शतके आणि 11 अर्धशतके केली आहेत.