Pranali Kodre
भारतीय संघाचा फलंदाज चेतेश्वर पुजाराने नुकताच कारकिर्दीतील 100 वा कसोटी सामना खेळण्याचा पराक्रम केला.
दिल्लीमध्ये 17 फेब्रुवारीपासून भारत विरुद्ध ऑस्ट्रेलिया संघात रंगलेला कसोची सामना पुजाराचा 100 वा कसोटी सामना होता.
त्यामुळे या सामन्यापूर्वी त्याचा खास सन्मान करण्यात आला.
पुजाराला त्याच्या 100 व्या कसोटीनिमित्ताने खास कॅप दिग्गज क्रिकेटपटू सुनील गावसकर यांच्या हस्ते देण्यात आली.
यावेळी गावसकरांनी त्याचे अभिनंदन करत त्याचे कौतुक केले. तसेच त्याने या विशेष सामन्यात शतक करावे अशी अशा व्यक्त केली.
याबरोबरच पुजाराने गावसकर, बीसीसीआय, संघसहकारी, सपोर्ट स्टाफ, चाहते आणि कुटुंबियांचेही आभार मानले.
पुजाराचा सन्मान होत असताना त्याचे वडील अरविंद, पत्नी पुजा आणि मुलगी आदिती देखील मैदानावर उपस्थित होते.
दरम्यान, पुजाराला हा सामना सुरू होताना मैदानात जात असताना भारतीय संघाकडून गार्ड ऑफ ऑनर देण्यात आला.
पुजारा यावेळी काहीसा भावूक देखील झाला होता.
पुजारा भारताकडून 100 कसोटी खेळणारा 13 वा खेळाडू आहे.