Sameer Amunekar
दररोज अभ्यासासाठी एक ठराविक वेळ निश्चित करा. वेळापत्रकामुळे मुलांना अभ्यासाची सवय लागते आणि वारंवार “अभ्यासाला बस” असं सांगण्याची गरज कमी होते.
एकाच वेळी तासन्तास अभ्यास करण्याऐवजी 25-30 मिनिटांचे छोटे अभ्यासाचे सत्र ठेवा. मध्ये 5-10 मिनिटांचा ब्रेक दिल्यास मुलांचा कंटाळा कमी होतो आणि लक्ष केंद्रित करण्यास मदत होते.
गुण किंवा सतत चुका यावरून मुलांना ओरडण्याऐवजी त्यांच्या प्रयत्नांचं कौतुक करा. “तू हे नक्की करू शकतोस” असा सकारात्मक संवाद मुलांचा आत्मविश्वास वाढवतो.
अभ्यासाच्या वेळेत मोबाईल, टीव्ही आणि गेम्सपासून मुलांना दूर ठेवा. मात्र पूर्णपणे बंदी घालण्याऐवजी ठराविक वेळ मनोरंजनासाठी दिल्यास नियम पाळणे सोपे जाते.
घरात अभ्यासासाठी एक शांत आणि स्वच्छ कोपरा ठरवा. टेबलवर अनावश्यक वस्तू नसतील तर मुलांचं लक्ष विचलित होण्याची शक्यता कमी होते.
परीक्षा जवळ आल्यावर एकदम मोठा अभ्यास करण्याऐवजी रोज थोडं-थोडं शिकण्याची सवय लावा. त्यामुळे अभ्यासाचा ताण कमी होतो आणि शिकलेलं अधिक चांगलं लक्षात राहतं.
मुलं अभ्यास करताना पालकांनी सतत दबाव न आणता त्यांच्यासोबत संवाद साधावा. गरज असल्यास एखादा अवघड प्रश्न समजावून सांगा; पण प्रत्येक वेळी त्यांच्या जागी उत्तर देऊ नका. यामुळे मुलांमध्ये स्वावलंबीपणे शिकण्याची सवय विकसित होऊ शकते.