Pranali Kodre
दक्षिण आफ्रिकेचा दिग्गज क्रिकेटपटू जॅक कॅलिस 19 एप्रिलला दुसऱ्यांदा बाबा झाला आहे.
47 वर्षीय कॅलिसची पत्नी चार्लिनने 19 एप्रिलला एका गोंडस मुलीला जन्म दिला आहे.
कॅलिसला 2020 मध्ये पुत्ररत्नाची प्राप्ती झाली होती.
कॅलिसने त्याच्या मुलीच्या जन्माची बातमी सोशल मीडियावर पोस्ट करत दिली आहे.
कॅलिसने त्याच्या मुलीचे फोटो शेअर करताना तिचे नाव क्लो ग्रेस ठेवले असल्याचेही सांगितले.
कॅलिसने त्याच्या पोस्टच्या कॅप्शनमध्ये तिचा जन्म सकाळी 8 वाजून 37 मिनिटांनी झाला असल्याचेही सांगितले, तसेच त्याने तिचे वजन 2.88 किलोग्रॅम आहे, असेही सांगितले.
कॅलिसला भारताच्या युवराज सिंग, डेविड मिलर, ख्रिस लीन अशा अनेक आजी-माजी क्रिकेटपटूंनी शुभेच्छा दिल्या आहेत.
कॅलिसने त्याला दिलेल्या शुभेच्छांबद्दल सर्वांचे आभारही मानले आहेत.