Akshata Chhatre
आजकाल बदलती जीवनशैली आणि धावपळीचं आयुष्य अनेक कपल्सच्या नात्यांमध्ये तणाव निर्माण करत आहे.
पर्सनल आणि प्रोफेशनल जबाबदाऱ्यांमधील असमतोल, थकवा, वेळेचा अभाव यामुळे नात्यांमध्ये सतत वाद होत असल्याचं चित्र दिसतं.
काही प्रकरणांत या वादांमुळे नातं इतकं बिघडतं की, घटस्फोट हाच एकमेव पर्याय वाटू लागतो.
मात्र, या टोकाच्या निर्णयापर्यंत न जाता, काही जोडपी एक वेगळा मार्ग स्वीकारताना दिसत आहेत तो म्हणजे स्लिप डिवोर्स.
झोपेसाठी एकमेकांपासून वेगळं राहण्याचा कपल्सने घेतलेला परस्पर सहमतीचा निर्णय म्हणजे स्लिप डिवोर्स. एकाच घरात राहून, एकत्र संसार करत असूनही, फक्त झोपण्यासाठी वेगवेगळ्या खोलीत झोपणे.
एका पार्टनरचं घोरणं, मोबाईलचा वापर, रात्री काम करणं किंवा सतत चळवळ केल्याने दुसऱ्याची झोप मोड होते. अशा वेळेस सतत वाद घालण्यापेक्षा, काही कपल्स 'स्पेस' देणं पसंत करतात.
चांगली झोप ही तणावमुक्त जीवनासाठी अत्यंत आवश्यक आहे. झोप पूर्ण न झाल्यास मानसिक अस्वस्थता, चिडचिड, थकवा आणि नात्यातील संवादाचा अभाव निर्माण होतो.