Pranali Kodre
भारताचा 23 वर्षीय फलंदाज शुभमन गिल सध्या दमदार फॉर्ममध्ये आहे.
त्याने नुकतेच इंदोरमध्ये 24 जानेवारी 2023 रोजी झालेल्या वनडेत 78 चेंडूत 112 धावांची खेळी करत त्याचे चौथे शतक झळकावले.
शुभमनने चार वनडे शतके केवळ 21 वनडे डावात खेळताना केले आहेत.
त्यामुळे तो सर्वात जलद चार वनडे शतके करणारा भारतीय खेळाडूही ठरला.
विशेष गोष्ट अशी की शुभमनच्या चार वनडे शतकांमध्ये त्याच्या 149 चेंडूतील 208 धावांच्या खेळीचाही समावेश आहे.
त्याने 208 धावांची द्विशतकी खेळी न्यूझीलंडविरुद्ध 18 जानेवारी 2023 रोजी हैदराबादला झालेल्या वनडे सामन्यात केली होती.
त्यावेळी तो वनडेत द्विशतकी खेळी करणारा भारताचा पाचवा खेळाडू, तसेच सर्वात युवा क्रिकेटपटू ठरला होता.
शुभमनने यापूर्वी 22 ऑगस्ट 2022 रोजी झिम्बाब्वेविरुद्ध हरारे येथे पहिल्यांदा वनडे शतक केले होते.
त्याने हरारे वनडेत 97 चेंडूत 130 धावांची खेळी केली होती.
त्यानंतर त्याने 15 जानेवारी 2023 रोजी श्रीलंकेविरुद्ध तिरुअनंतपुरम येथे झालेल्या वनडेत त्याचे दुसरे शतक झळकावले होते.
त्याने 97 चेंडूत 116 धावांची खेळी करत त्याचे दुसरे वनडे शतक झळकावले होते.