Manish Jadhav
बॉलिवूड अभिनेत्री रकुलप्रीत सिंग सध्या तिच्या लग्नामुळे चर्चेत आहे. रकुलप्रीत तिचा प्रियकर आणि अभिनेता जॅकी भगनानीसोबत लग्नबंधनात अडकणार आहे.
दरम्यान, या जोडप्याच्या लग्नात सहभागी होण्यासाठी अनेक सेलेब्स आधीच गोव्याला रवाना झाले आहेत. रकुलप्रीत आणि जॅकीच्या लग्नाबाबत आणखी अपडेट्स समोर येत आहेत.
रकुलप्रीत आणि जॅकी भगनानीच्या लग्नात खूप धमाल होणार आहे. या जोडप्याच्या प्री-वेडिंग फंक्शनमध्ये अनेक सेलेब्स थिरकतानाही दिसणार आहेत. या यादीत शिल्पा शेट्टी आणि राज कुंद्रा यांचीही नावे आली आहेत.
पिंकविलाच्या रिपोर्टनुसार, शिल्पा शेट्टी तिचा पती राज कुंद्रासोबत रकुलप्रीत आणि जॅकीच्या लग्नात परफॉर्म करणार आहे.
राज कुंद्राची जॅकीचे वडील वासू भगनानी यांच्याशी खूप चांगली मैत्री आहे.
रकुलप्रीत सिंग आणि जॅकी भगनानी 21 फेब्रुवारीला गोव्यात लग्नबेडीत अडकणार आहेत. या जोडप्याच्या लग्नासाठी अनेक सेलेब्स गोव्याला रवाना झाले आहेत, ज्यांना विमानतळावर देखील स्पॉट करण्यात आले आहे.
गोव्यातील आयटीसी ग्रॅट गोवा या लक्झरी हॉटेलमध्ये या जोडप्याचा विवाह संपन्न होणार आहे. महत्वाचे म्हणजे 3 दिवस लग्नाचा सोहळा असणार आहे. हे जोडपे पर्यावरणपूरक लग्न करणार असल्याने मोठ्या चर्चेत आहे.