Pranali Kodre
दक्षिण आशियाई महासंघ अजिंक्यपद 2023 स्पर्धा (SAFF Championship) सुनील छेत्रीच्या नेतृत्वातील भारतीय संघाने जिंकली.
बंगळुरुमध्ये झालेल्या अंतिम सामन्यात भारतीय संघाने संघाने कुवेतला निर्धारित वेळेत 1-1 ची बरोबरी झाल्यानंतर पेनल्टी शुटआऊटमध्ये 5-4 अशा गोलफरकाने पराभूत केले.
हे भारतीय संघाचे नववे साफ चॅम्पियनशीपचे विजेतेपद ठरले.
यंदा 14 व्यांदा साफ चॅम्पियनशीप स्पर्धा खेळवण्यात आली होती. या स्पर्धेत सर्वाधिक 9 वेळा भारतीय संघाने विजेतेपद जिंकले आहे.
भारताने 1993, 1997, 1999, 2005, 2009, 2011, 2015, 2021 आणि 2023 या नऊ वर्षी या स्पर्धेचे विजेतेपद जिंकले आहे.
त्यानंतरल मालदीवने 2 वेळा या स्पर्धेचे विजेतेपद नावावर केले. मालदीवने 2008 आणि 2018 या दोन वर्षी विजेतेपद नावावर केले.
याशिवाय बांगलादेश, अफगाणिस्तान आणि श्रीलंका संघांनी प्रत्येकी 1 वेळा विजेतेपदाला गवसणी घातली आहे.
बांगलादेशने 2003 साली, अफगाणिस्तानने 2013 साली आणि श्रीलंकाने 1995 साली विजेतेपदाला गवसणी घातली होती.