Pranali Kodre
सचिन तेंडुलकर क्रिकेटमधील महान खेळाडू म्हणून ओळखला जातो, पण त्याला क्रिकेटपटू म्हणून घडवण्यात मोठा वाटा राहिला तो रमाकांत आचरेकर सरांचा.
आचरेकर सरांकडूनच सचिनने लहानपणी क्रिकेटचे धडे गिरवले. त्यांनीच त्याला मोठ्या स्थरावर क्रिकेट खेळण्यासाठी तयार केले.
सचिनने अनेकदा त्यांच्याबद्दल कृतज्ञता व्यक्त केली आहे. पण ३ डिसेंबर रोजी सचिनने आचरेकर सरांच्या वाढदिवसानिमित्त खास पोस्ट शेअर केली आहे.
त्याने आरचरेकर सर फलंदाजीचे धडे देत असतानाचा जुना फोटो शेअर केला आहे.
तसेच सचिनने कॅप्शनमध्ये सचिनने लिहिले की 'तो व्यक्ती ज्याने मला क्रिकेटपटू बनवले. त्यांनी शिकवलेले धडे आयुष्यभर माझ्या लक्षात राहतील. तुमच्या वाढदिवसानिमित्त तुमची अधिकच आठवण होत आहे. आचरेकर सर तुम्ही माझ्यासाठी जे काही केले, त्यासाठी आभार.'
आचरेकर सरांनी सचिनच नाही, तर मुंबईतील अनेक क्रिकेटपटूंना मार्गदर्शन केले आहे.
आचरेकर सरांकडे शिकलेल्या क्रिकेटपटूंमध्ये सचिन व्यतिरिक्त विनोद कांबळी, प्रविण आमरे, अमोल मुजूमदार, अजित अगरकर अशा अनेक खेळाडूंचा समावेश आहे.